കാർത്തികപ്പള്ളി
ഗ്രാമ പഞ്ചായത്ത്

ആലപ്പുഴ ജില്ലയിലെ കാര്‍ത്തികപ്പള്ളി താലൂക്കില്‍ ഹരിപ്പാട് ബ്ളോക്കിലാണ് കാര്‍ത്തികപ്പള്ളി ഗ്രാമപഞ്ചായത്ത് സ്ഥിതി ചെയ്യുന്നത്. കാര്‍ത്തികപ്പള്ളി വില്ലേജ് പരിധിയില്‍ വരുന്ന ഒരു പഞ്ചായത്താണ് കാര്‍ത്തികപ്പള്ളി. പഞ്ചായത്തിന്റെ വിസ്തീര്‍ണ്ണം 8.73 ചതുരശ്രകിലോമീറ്ററാണ്. പഞ്ചായത്തില്‍ 14 വാര്‍ഡുകളുണ്ട്. പഞ്ചായത്തിന്റെ അതിരുകള്‍ വടക്കുഭാഗത്ത് കുമാരപുരം, ഹരിപ്പാട് പഞ്ചായത്തുകളും, തെക്ക് ചിങ്ങോലി, ആറാട്ടുപുഴ പഞ്ചായത്തുകളും, കിഴക്കുഭാഗത്ത് പള്ളിപ്പാട് പഞ്ചായത്തും, പടിഞ്ഞാറുഭാഗത്ത് തൃക്കുന്നപ്പുഴ പഞ്ചായത്തുമാണ്. തിരുവിതാംകൂറിന്റെ ചരിത്രത്താളുകളില്‍ ആദ്യമേതന്നെ ആലേഖനം ചെയ്യപ്പെടേണ്ടുന്ന പഴമയും പെരുമയും ഈ നാടിനുണ്ട്. ക്രിസ്തുവിന്റെ ശിഷ്യനായ തോമാശ്ളീഹാ സ്ഥാപിച്ച 7 പളളികളിലൊന്ന് കാര്‍ത്തികപ്പള്ളിയില്‍ ആയിരുന്നെന്ന് ചരിത്രകാരന്മാര്‍ അഭിപ്രായപ്പെടുന്നു. കാര്‍ത്തികപ്പള്ളി, കരുനാഗപ്പള്ളി, മാവേലിക്കര താലൂക്കുകള്‍ ചേര്‍ന്ന...